Ատելության խոսքի, բռնության քարոզի և դրանց դեմն առնելու գործիքների շուրջ «Առաջին լրատվական»-ի հետ զրույցում «Իմ քայլը» խմբակցության պատգամավոր Արմեն Խաչատրյանը նշեց, որ թեև ՀՀ ՔՕ-ով բռնության կոչերի համար պատասխանատվություն է նախատեսված, սակայն ակնհայտ է, որ այդ նորմերը պրակտիկայում չէին կիրառվում և շատ դժվար է կիրառելը: Պատգամավորն ընդգծեց, որ կարևոր է այս նորմը կիրառելի դարձնելը և ատելության կոչերը և բռնությունները կանխելը. դա պայմանավորված է այսօրվա իրողություններով:
«Ցանկացած բռնության կոչ բերում է բացասական հետևանքների, նպաստում է բռնությամբ զուգորդված հանցագործությունների կատարմանը»,- նշեց Արմեն Խաչատրյանը:
«Լրատվամիջոցների դերը բավականին մեծ է, կոչերը հիմնականում տարածվում են սոցցանցերի և լրատվամիջոցների միջոցով: Եթե ԶԼՄ-ները ինքնակազմակերպվեն՝ առաջնորդվեն հանուն ժողովրդավարության, հանուն պետության զարգացման սկզբունքով, ապա հաստատ ավելի քիչ խնդիրներ կունենանք,-նշեց մեր զրուցակիցը:
Երբ վարչապետ Ն. Փաշինյանը հայտարարում է, որ գտնվում ենք հիբրիդային պատերազմի պայմաններում, որքանո՞վ է հնարավոր, որ լրատվամիջոցները ինքնակարգավորվեն հանուն այդ բարձր արժեքների՝ հաշվի առնելով, որ սնվում են այս կամ այն աղբյուրից: Ի պատասխան այս հարցի՝ Ա. Խաչատրյանը նշեց. «Կարծում եմ՝ արդյունքները շատ քիչ կլինեն, եթե միայն բարոյական արժեքների դաշտում թողնենք դա, անշուշտ, օրենսդրական կարգավորումներ են պետք»:
Մանրամասն՝ տեսանյութում: