Ռուսական ընկերությունները Էլթոն Ջոնի մասին «Rocketman» կենսագրական ֆիլմից կտրել են այն տեսարանները, որտեղ տղամարդիկ համբուրում են կամ սեքսով են զբաղվում: Դա բացատրվել է այն փաստով, որ Ռուսաստանում «նույնասեռականության քարոզչությունն» արգելող օրենք է գործում: Ինչպես գրում է The Guardian-ը, ժապավենից մոտ հինգ րոպե տևողությամբ տեսանյութ է հանվել, Էլթոն Ջոնի սեռական կողմնորոշումը նվազեցնելու նպատակով:
Լրագրող Անտոն Դոլինը դիտել է ժապավենի ռուսական տարբերակը. «Բոլոր տեսարանները, որտեղ տղամարդիկ համբուրվում են կամ սեքսով են զբաղվում հանվել են: Ամենից զզվելին այն է, որ եզրափակիչ տիտրերն էլ են հանվել»,- գրել է նա Facebook-ում: Բնօրինակի վերջում ասվում է, որ Էլթոն Ջոնն ապրում է իր ամուսնու հետ և նրանք միասին երկու երեխա են դաստիարակում: Իսկ ռուսական տարբերակում ասվում է, որ երգիչը ՄԻԱՎ-ի դեմ պայքարի հիմնադրամ է ստեղծել և շարունակում է աշխատել իր երաժշտական գործընկերոջ հետ:
