Մորուքով կինը, որը կարծում էր, թե երբեք չի գտնի իր երջանկությունը, ամուսանցել է մորուքավոր տղամարդու հետ: Այդ մասին հաղորդում է The Daily Mail-ը:
Լիթլ Բեր Շվարցը և Թոբիաս Բրադիկը ծանոթացել են ամուսնանալուց 1 տարի առաջ: Տղամարդն օգնել է Բերին Սիեթլից տեղափոխվելիս և հենց այդ ժամանակ էլ հասկացել է, որ սիրահարվել է: Երկար ժամանակ նրանք ջերմորեն շփվել են: 45-ամյա Բրադիկն ուշացնում էր սիրո խոստովանությունը՝ վախենալով մերժվելուց:
«Ես կարծում էի, որ նա կասի` շնորհակալ եմ, բայց վերջ տուր այդքան անտանելի լինելուդ», – պատմել է Թոբիասը:
36-ամյա Լիթլ Բերի մոտ 14 տարեկանից ախտորոշվել է ձվարանների պոլիկիստոզ: Այդ հիվանդությունն առաջացնում է հորմոնալ խանգարում, որի հետևանքով էլ նրա մոտ մորուք է աճում:
Թոբիասն ամեն ինչում աջակցում է իր կնոջը , որպեսզի նա իրեն իսկապես երջանիկ ու գեղեցիկ զգա:
