Միացյալ Նահանգները կարող է ժամանակավոր համաձայնագիր կնքել Ռուսաստանի հետ՝ երկրների միջև հարաբերությունները նորմալացնելու համար: Այս մասին գրում է The National Interest-ը:
Ինչպես նշում է պարբերականը, Վաշինգտոնի շահերից է բխում կոալիցիայի ստեղծումը ընդդեմ Պեկինի, իսկ Ռուսաստանին ավելի հատուկ է մերձեցումը Եվրոպայի և Միացյալ Նահանգների հետ, քան Չինաստանի:
Հոդվածի հեղինակի կարծիքով՝ ցանկացած որոշում կպահանջի ընդունումն այն բանի, որ Ղրիմն այլևս չի դառնա ուկրաինական: Բացի այդ, ԱՄՆ-ը կարող է առաջարկել դադարեցնել «ՆԱՏՕ-ի զավթումը»:
Մոսկվան, իր հերթին, կարող է դադարեցնել Դոնեցկի և Լուգանսկի ինքնահռչակ հանրապետությունների բնակիչներին աջակցությունը:
ԱՄՆ-ի և Ռուսաստանի միջև համաձայնագիրը չի հարթի բոլոր հակամարտությունները, սակայն երկու երկրների միջև շփումները կնորմալանան՝ ասվում է հոդվածում:
Ավելի վաղ ԱՄՆ-ում Ռուսաստանի դեսպան Անատոլի Անտոնովը RT-ին հայտնել է, որ գոյություն ունեն մեծ թվով համաշխարհային խնդիրներ, որոնք և ռուսական, և ամերիկյան կողմը կարող են լուծել համատեղ ջանքերով: Նրա խոսքով՝ դրանցից է Աֆղանստանում իրավիճակի կարգավորումը:
