Շատ է խոսվում, որ հեղափոխությունից հետո գործի է անցել հինգերորդ շարասյունը։ Ըստ Ձեզ, ինչպե՞ս է այն մեզանում դրսևորվում «Առաջին լրատվական»-ի հարցին հրապարակախոս, քաղաքագետ Արկադի Վարդանյանը պատասխանեց․ «Ես կասեի, որ այդ ամենը չէի անվանի հինգերորդ շարասյուն, որովհետև մեր հասարակությունը վերջին հարյուր տարում այն աստիճան է ապակողմնորոշվել, որ այսօր խոսել հինգերորդ, չորրորդ կամ երրորդ շարասյունների մասին, անիմաստ է։ Այստեղ մենք պետք է մոտենանք Ռուսաստանի շահերի տեսանկյունից, որովհետև այդ հինգերորդ շարասյուն ասելով՝ վերլուծաբանների ճնշող մեծամասնությունը նկատի ունի, հավանաբար, Ռուսաստանի կողմից զուգորդվող այն գործիչներին, այն խմբավորումներին, որոնք այսօր Հայաստանում ծավալում են այդպիսի գործունեություն»։
«Այդ արհեստական խառնաշփոթը, որ այսօր ստեղծվում է մեր երկրում, իհարկե, միանշանակ, իր նպատակն ունի, որովհետև, այն, ինչ կատարվեց Հայաստանում, և այն ուղին, որով իշխանության պնդումներով պետք է ընթանա Հայաստանի Հանրապետությունը, իհարկե, Ռուսաստանին ձեռնտու չէ։ Ձեռնտու չէ, որովհետև դա կարող է շատ վատ օրինակ ծառայել ԵԱՏՄ մյուս երկրների հասարակությունների վրա»,- հավելեց Արկադի Վարդանյանը։
Մանրամասները՝ տեսանյութում։
