Հյուսիսային Կորեայի իշխանությունները պահանջել են ԱՄՆ պետքարտուղար Մայք Պոմպեոյին փոխարինել ԿԺԴՀ-ի և ԱՄՆ-ի միջև Կորեական թերակղզու ապամիջուկայնացման (դենուկլեարիզացիա) հարցով բանակցություններում, հաղորդում է «Ռեհապ»-ը:
Նշվում է, որ Հյուսիսային Կորեան հետաքրքրված է «ավելի զգույշ և հասուն» անձով, որը կներկայացնի Միացյալ Նահանգները: Կորեական կողմը գտնում է, որ Պոմպեոն ընդունակ չէ հասկանալու Փհենյանի դիրքորոշումը, իսկ նրա մասնակցությունից կողմերի միջև բանակցությունները «խճճված» են դառնում:
ԿԺԴՀ ԱԳՆ բարձրաստիճան պաշտոնյայի խոսքերով, երբ Պոմպեոն «քիթը խոթում է, երկու երկրների միջև բանակցությունները արդյունք չեն տալիս, նույնիսկ եթե մոտ են եղել հաջողությանը»:
