Ղրիմի վարչապետ Անատոլի Մոգիլևի բանակցությունները խորհրդարանի և կառավարության շենքերը գրաված ջոկատների ներկայացուցիչների հետ ավարտվել են՝ հաղորդում է կառավարության մամլո ծառայությունը:
Հաղորդագրության համաձայն՝ շենքերը գրաված ջոկատների ներկայացուցիչները հայտարարել են, որ լիազորված չեն բանակցություններ վարել և պահանջներ առաջ քաշել, իսկ Մոգիլևը նրանց փոխանցել է իր հեռախոսահամարները՝ կապ հաստատելու և իրավիճակը կարգավորելու համար:
Բանակցություններն անցկացվել են կառավարության գրավյալ շենքում:
Ղրիմի նախարարների խորհրդի նախագահ Ռուստամ Թեմիրգալիևն իր հերթին Facebook սոցիալական ցանցում գրել է, որ խորհրդարանի և կառավարության շենքերը գրաված զինված անձինք իրենց անվանում են «Ղրիմի ռուսախոս քաղաքացիների ինքնապաշտպանության ներկայացուցիչներ»:
Հիշեցնենք, որ Չորեքշաբթի լույս հինգշաբթի գիշերը Սիմֆերոպոլում անհայտ անձինք գրավել են Ղրիմի խորհրդարանի և նախարարների խորհրդի շենքերը, որոնց վրա այժմ ծածանվում է Ռուսաստանի դրոշը:
