Ապրիլի 1-ին, ժամը 20.00-ի սահմաններում, М4 խճուղու նովոչերկասկյան հանգույցում ճանապարհատրանսպորտային պատահար է տեղի է ունեցել, ծանր վնասվածքներ է ստացել երկու մարդ։ Հայտնի է, որ միկրոավտուբուսը 14 ուղևորով շարժվում էր Հայաստանից դեպի Մոսկվա։ Այն ուղևորափոխադրումներով չէր զբաղվում, մարդկանց տեղափոխել է պատվերով, տեղեկացնում է Donday-ը։
Նախնական տեղեկատվությամբ՝ «Մերսեդես» միկրոավտոբուսը 14 ուղևորով շարժվում էր դեպի Մոսկվա, երբ անսպասելի նրա առջև դուրս է եկել «Շևրոլե Կրուզ» մեքենան։ Միկրոավտոբուսը բախվել է մեքենայի կողին, իսկ հետո իներցիայով այն քարշ տվել հանդիպակաց ճանապարհով։ Մեքենաները կանգ են առել միայն ձախ հատման եզրին։
ՃՏՊ-ի հետևանքով լուրջ վնասվածքներ է ստացել երկու մարդ, որոնք գտնվել են «Շևրոլե Կրուզում»՝ վարորդը և առջեւում նստած ուղևորը։ Երկուսին էլ շտապօգնության բրիգադները հասցրել են Նովոչերկասկի հիվանդանոց։ Վնասվածքներ, կտրվածքներ և այտուցներ են ստացել միկրոավտոբուսի 10 ուղևորներ, բայց նրանք բոլորն էլ հրաժարվել են հիվանդանոցից, ուստի նրանց անհրաժեշտ բուժօգնությունը տրամադրվել է տեղում։
«Շևրոլեի» տուժածները Ռոստովի մարզի բնակիչներ են։
