Չժեցզյան նահանգից Չժոու անունով չինուհին թալանել է նախկին փեսացուին, որպեսզի հոգա նոր սիրելիի հետ հարսանիքի ծախսերը, հայտնում է World of Buzz տեղեկատվական պորտալը:
Աղջիկը գնացել է նախկին ընկերոջ տուն և ստել, որ կրկին ուզում է նրա հետ լինել: Դեռևս սիրահարված 43-ամյա երկրպագուին ուրախացրել է այդ լուրը և նա տասը հազար յուան կանխիկ գումար վերցնելով աղջկա հետ ուղևորվել է գնումների:
Առևտրի կենտրոնից դուրս գալուց հետո նրանք այգի են գնացել, որտեղ 31-ամյա Չժոուն տղամարդուն առաջարկել է գնալ բլուրների կողմը, մեկուսի վայր գտնել և «ինչ որ հրաշալի բանով զբաղվել»: Երկրպագուն համաձայնել է և աղջիկը խնդրել է նրան հանել հագուստը և թույլ տալ իրեն կապել ծառին: Երբ տղամարդը կատարել է աղջկա խնդրանքը, Չժոուն վերցրել է նրա հագուստը, բջջային հեռախոսը, դրամապանակը և փախել:
Չինացին կապանքներից կարողացել է ազատվել միայն 2 ժամ հետո: Նա մտել է տուն հագնվելու համար, իսկ հետո գնացել է ոստիկանական բաժանմունք և հայտարարություն գրել Չժոուի դեմ: Որոշ ժամանակ անց աղջկան ձերբակալել են: Նա հանցաքննության ժամանակ խոստովանել է, որ ինքն ու նոր ընկերը կորցրել են աշխատանքը, բնակարանի վարձը վճարելու գումար չեն ունեցել և փողոցում հայտնվելու եզրին են եղել: Չժոուի ընկերը խոստացել է ամուսնանալ նրա հետ, եթե աղջիկը գումար հայթայթի: Չժոուն ուրախացել է և որոշել «հարսանիքի» համար գումար հափշտակել:
