Ֆլորիդա նահանգի Ջեքսոնվիլ քաղաքի 47-ամյա ծրագրավորող Մայքլ Դանը մեղավոր է ճանաչվել դեռահասի մահափորձի մեջ՝ հայտնում է Associated Press-ը:
Դանը կրակ է բացել դեռահասների մեքենայի վրա՝ բարձր միացրած «գողական» երաժշտության պատճառով, ինչի հետևանքով զոհվել է 17-ամյա Ջորդան Դևիսը:
Երդվյալ ատենակալները չորս օր շարունակ քննարկել են դատավճռի հարցը, բայց այդպես էլ վերջնական համաձայնության չեն եկել գլխավոր մեղադրանքի՝ առաջին աստիճանի ծանրության սպանության հարցում: Այնուհանդերձ՝ Դանը մեղավոր է ճանաչվել մարդկանցով լի մեքենայի վրա կրակ բացելու և մահափորձի համար:
Հանցագործություններից յուրաքանչյուրի համար Դանի առավելագույն պատժաժամկետը կարող է լինել 15-30 տարի: