«Իմ քայլը» խմբակցության ղեկավար Լիլիթ Մակունցը արդյունավետ է համարում կապի, տրանսպորտի և տեղեկատվական տեխնոլոգիաների նախարար Հակոբ Արշակյանի հետ հանդիպումը: «Ավելին, կարծում եմ, որ այս հանդիպումների արդեն երկրորդ փուլը պետք է հրապարակային լինի, որովհետև շատ հարցեր քննարկեցինք, որոնք, կարծում ենք, կարևոր է նաև, որպեսզի հանրությունը իմանա»,- լրագրողների հետ զրույցում ասաց Մակունցը:
Նրա խոսքով՝ մասնավորապես, Հակոբ Արշակյանը խոսում էր այն ուղիների, այն քայլերի մասին, որոնցով բարձր տեխնոլոգիաները կարող են զարգացնել տնտեսությունը. «Պարոն Արշակյանը նաև վիճակագրություն ներկայացրեց, թե վերջին յոթ տարիներին հենց այս տիրույթից ինչպիսի ներդրումներ և հարկային մուտքեր են տեղի ունեցել»:
Առավել մանրամասն՝ տեսանյութում:
