Երևանի փողոցներում անսովոր եռուզեռ է, ամեն քայլափոխի սիրահար զույգեր են՝ նվերներով, ծաղիկներով, փուչիկներով ու ժպիտներով: Երիտասարդների մի մասը տոնն անվանում է Սբ. Սարգիս, մյուս մասը՝ Վալենտին, բայց նրանք բոլորն էլ դա գիտակցում են որպես Սիրո տոն:
«Առաջին լրատվական»-ի հետ զրույցում երիտասարդները կարևորեցին տոնը՝ հաստատելով, որ սերը կյանքում մնացած կարևոր արժեքներից է: «Սերը այս աշխարհում մնացած միակ բանն է, որով կարող ենք առաջ գնալ, այս օրը ինձ համար նշանավորվում է, բայց ոչ Նոր տարուց առավել»,- ասաց հարցված երիտասարդներից մեկը:
Մեզ հետ զրույցում երիտասարդներից շատերը կարևորեցին ավելի շատ Սբ. Սարգիսը, քան Սբ. Վալենտինը. «Տոնը կարևորվում է սիրո առիթով, Սբ. Սարգիսը և Վալենտինը համընկել են իրար: Ես կոչ եմ անում մեր երիտասարդությանը, որ Սբ. Սարգիսը նախընտրեն»:
Մենք զրուցեցինք նաև քաղաքի ծաղկավաճառներից մեկի հետ, ով ասաց, որ երիտասարդները հիմնականում մի վարդ են գնում, շատ են հատկապես 13-14 տարեկան պատանիները: Ինչ վերաբերում է գներին, ապա նա ասաց, որ ծաղիկները «թանկացել են» հատկապես գազի գնի թանկացումից հետո:
Մանրամասները դիտեք տեսանյութում:
