Վրաստանի կառավարության ղեկավար Իրակլի Ղարիբաշվիլին հայտարարել է, որ պատրաստ է հանդիպել Ռուսաստանի նախագահ Վլադիմիր Պուտինի հետ: Ինչպես հաղորդում է RIA Novosti-ն, վարչապետը նման հայտարարությամբ հանդես է եկել «Իմեդի» հեռուստաընկերության եթերում:
Ավելի վաղ Վրաստանի փոխվարչապետ Կախա Կալաձեն ևս կողմ էր արտահայտվել երկու երկրների ղեկավարների հանդիպմանը՝ հավելելով, որ ՌԴ նախագահի հետ պետք է հանդիպի ոչ միայն վրացական պետության ղեկավարը, այլ նաև վարչապետը:
Հիշեցնենք, որ երկուշաբթի ՌԴ նախագահ Վլադիմիր Պուտինը հաղորդել է, որ պատրաստ է հանդիպել իր վրացի գործընկերոջ հետ, եթե վերջինս նման ցանկություն հայտնի: Վրաստանի նախագահ Գեորգի Մարգվելաշվիլին իր հերթին նշել է, որ կվերլուծի Պուտինի այս խոսքերը:
