Ինչպես հաղորդում է ուկրաինական Дело բիզնես կայքը, հուլիսի 1-2-ը Սերժ Սարգսյանը կհյուրընկալվի Ուկրաինայի նախագահ Վիկտոր Յանուկովիչին: Այս մասին հայտնել են Հայաստանում Ուկրաինայի դեսպանատնից: Այցելության ժամանակ Սարգսյանը կհանդիպի Վիկտոր Յանուկովիչի հետ: Այլ մանրամասներ չեն հաղորդվում:
Կայքը հիշեցնում է, որ այս տարվա փետրվար ամսին Ուկրաինան և Հայաստանը հայտարարել էին երկկողմ քաղաքական երկխոսության, առևտրա-տնտեսական համագործակցության և մշակութային-հումանիտար հարաբերությունների զարգացման վերաբերյալ: Հայտնի է, որ հունիսի 30-ից հուլիսի 5-ը Ուկրաինայում անցկացվելու են Հայաստանի օրերն այդ երկրում, որին կմասնակցի նաև հայկական պատվիրակությունը:
Այդ միջոցառման շրջանակում տեղի կունենա գալա համերգ, «Հայկական հետքն Ուկրաինայում» ֆոտոցուցահանդեսը, ինչպես նաև հայկական ֆիլմերի ցուցադրություն: Հայաստանից Ուկրաինա է ժամանելու նաև ջազային նվագախումբ: