Միջազգային պատժամիջոցների գործողության պատճառով Իրանը, ինչպես նախկինում, փակ է տնտեսական համագործակցության համար՝ CNN-ին տված հարցազրույցում հայտարարել է ԱՄՆ պետքարտուղար Ջոն Քերին՝ պատասխանելով այն հարցին, թե ամերիկյան բիզնեսը չի՞ ուշանում արդյոք տեղ զբաղեցնել իրանական հեռանկարային շուկայում:
«Իրանը բաց չէ բիզնեսի համար: Իրանի և այլ երկրների իշխանությունները դա գիտեն»,- ասել է նա՝ նշելով, որ իրենք դաշնակիցների հետ պայմանավորվածություն ունեն, որ պատժամիջոցներն Իրանի դեմ ուժի մեջ կմնան մինչև միջուկային խնդրով վերջնական համաձայնագրի կնքումը:
Նշենք, որ վերջին շրջանում ակտիվորեն Իրան են այցելում օտարերկրյա բիզնեսի պատվիրակությունները, այդ թվում Եվրոպայից՝ քննարկելու ներդրումների հարցն այդ երկրում՝ Արևմուտքի պատժամիջոցների չեղյալ հայտարարման դեպքում: