Ամերիկյան զորքերը Պակիստանի կառավարության խնդրանքով ժամանակավորապես դադարեցրել են անօդաչուներից հարվածներ հասցնելն այդ երկրում: Այս մասին հայտնում է The Washington Post-ը՝ հղում անելով Վաշինգտոնի անանուն աղբյուրներին:
Դադարն անհրաժեշտ է, որպեսզի Իսլամաբադը կարողանա զբաղվել «Թալիբան» շարժման հետ բանակցություններով: Այնուամենայնիվ, ԱՄՆ-ը իրավունք է վերապահում հարված հասցնել այն դեպքում, եթե իմանա «Ալ-Քաիդայի» առաջնորդներից որևէ մեկի գտնվելու վայրը, կամ տեղեկություն ստանա ԱՄՆ քաղաքացու նկատմամբ ուղիղ սպառնալիքի մասին:
Պակիստանի ՊՆ տվյալներով՝ 2008-ից երկրում ամերիկյան ավիահարվածների հետևանքով զոհվել է 2227 մարդ, որից 67-ը՝ խաղաղ բնակիչներ: Իրավապաշտպանները հայտարարում են, որ զոհերի թիվը քաղաքացիական անձանց շարքում զգալիորեն ավելի է:
