Թերթը գրում է, որ Շվեյցարիայի Հայ առաքելական եկեղեցու խորհուրդը, այնուամենայնիվ, դատարան է դիմել՝ ընդդեմ Ամենայն հայոց կաթողիկոս Գարեգին Բ-ի. «Թե իրավական ինչ ձևակերպում ունի կաթողիկոսի դեմ Շվեյցարիայի դատարան ներկայացված հայցը, դեռ հայտնի չէ: Տեղեկություններ կան միայն, որ հայցն ընդունվել է վարույթ»:
Սույն տեղեկությունները թերթին փոխանցել է Ռուսաստանի և Նոր Նախիջևանի թեմի սուրբ Հարություն եկեղեցու (Մոսկվա) նախկին հոգևոր հովիվ տեր Սահակը՝ Իսահակ Գալուստյանը (կարգալույծ քահանա), որը ուշադիր հետևում է Շվեյցարիայի եկեղեցում տեղի ունեցող սկանդալային իրադարձություններին և սերտ կապի մեջ է Շվեյցարիայի սուրբ Հակոբ եկեղեցու հովիվ տեր Աբել արժանապատիվ քահանա Մանուկյանի հետ. «Հայ առաքելական եկեղեցում վատ բարքերը շարունակվում են: Եկեղեցում բռնապետական, տոտալիտար բարքեր են հաստատվել Գարեգին Բ-ի չարաբաստիկ գահակալության տարիներին:
Այդ բարքերը հաստատվեցին նրա գահակալության հենց առաջին օրերից: Այնուհետև եղավ Ռուսաստանի թեմի պատմությունը, երբ 2 եղբայրները որոշեցին տնօրինել համայնքի գումարները, երբ Գարեգին Բ-ն իր եղբորը՝ Եզրասին, նշանակեց Ռուսաստանի թեմի առաջնորդ՝ փողոց նետելով եկեղեցու 10-ից ավելի սպասավորների: Այն ժամանակ էլ բազում բողոքներ եղան, մեծ աղմուկ եղավ, բայց Եզրասը բառացի հայտարարեց, որ իրենք այդ բողոքի նամակները չեն կարդում, պատռում, թափում են աղբամանը: Այսօր Մոսկվայի պատմությունը կրկնվում է Շվեյցարիայում:
Տեղի եկեղեցու հոգևոր հովիվը բացառիկ հարգված հոգևորականներից է, բայց Շվեյցարիան հարուստ հայություն ունի, բարեկեցիկ երկիր է, և պետք էր, բնականաբար, տիրանալ այդ հայության գումարներին, նաև Շվեյցարիայում բանկեր կան, և այստեղ քաղաքական որոշ ուժեր, ես նկատի ունեմ՝ իշխանական, կարող են տեղավորել իրենց գումարները ժնևի եկեղեցու 90 հոգանոց խորհրդի 88 անդամները դեմ են քվեարկել թեմի բացմանը, քանի որ այդ ծախսը տեղի հայ համայնքի ուսերի վրա պիտի դրվի: Բացի այդ, որպեսզի թեմ ձևավորվի, անհրաժեշտ է առնվազն 3 եկեղեցի ունենալ, այնինչ Ժնևում 1 եկեղեցի կա: Այդ թեմը Գարեգին Բ-ն ցանկանում է բացել միայն մի նպատակով, որպեսզի տնօրինի տեղի համայնքի ֆինանսական միջոցները, որպեսզի այդ գումարներն էջմիածինը կարողանա հեշտությամբ իր ձեռքը վերցնել: Իսկ նրա նշանակած թեմի ղեկավարը՝ անփորձ մի երիտասարդ, նրա կամակատարներից է»,-ասել է նա և հավելել. «Այո, նա սկսել է մի պրոցես, որը բերում է եկեղեցու քայքայմանը: Նա պարբերաբար միջամտում է նաև սփյուռքի գործերին, որպեսզի այդ գումարները Էջմիածինը կարողանա շատ հեշտությամբ վերցնել իր ձեռքը:
Այսօր էջմիածնում ծառայում են հոգևորականներ, որոնք իրենց կարծիքը, եսը չունեն, որովհետև վախենում են, որ կօտարվեն եկեղեցուց և կմնան փողոցում: Հայաստանին այսօր սպառնում են աղանդավորական շարժումները: Պաշտոնական տվյալներն ահազանգում են, որ ամբողջ ԱՊՀ երկրներում ՀՀ-ն աոաջին տեղում է աղանդավորականների թվով: Սա շատ լուրջ հարց է: Գարեգին Բ-ն փոխանակ զբաղվի քարոզչությամբ, զբաղվում է բիզնեսով և փոխանակ բանիմաց հոգևորականներն օգտագործի, որպեսզի նրանք կարողանան ժողովրդին ճիշտ ուղու վրա կանգնեցնել, նա հեռացնում է եկեղեցուց իրապես հավատք ունեցող հոգևորականներին, նրանց արմատախիլ է անում, բերում է խուլիգաններին, բաշիբոզուկներին է հավաքել եկեղեցում, և նրանց ծառայության արդյունքն այն է, որ եկեղեցին 4 կողմից շրջապատված է աղանդավորներով: Այժմ աղանդները ՀՀ-ում ավելի ազդեցիկ են, քան եկեղեցին»։
