Հանրապետական սենատոր Լինդսի Գրեմը ԱՄՆ Սենատում ելույթի ժամանակ հայտարարությունն, ըստ որի «Իսլամական պետություն» ահաբեկչական կազմակերպությունը պարտված է, անվանել է «ֆեյք լուր»,- հաղորդել է CNN-ը:
«Այսպիսով, պարոն նախագահ, դուք հաղթել եք ընտրություններում, դուք հաղթել եք ինձ և շատ ուրիշների: Դուք իրավունք ունեք կայացնել այդ որոշումը, բայց Կոնգրեսը պարտավոր է ձեզ պատասխանատվության կանչել»,- ասել է Լինդսի Գրեմը:
Այս շաբաթ հայտնի է դարձել, որ ԱՄՆ նախագահ Դոնալդ Թրամփը հաստատել է ամերիկյան զորքերի դուրս բերումը Սիրիայից: Գրեմն այս որոշումը անվանել է «աղետալի» Միացյալ Նահանգների ազգային անվտանգության համար:
Դրանից հետո հանրապետականը Թրամփի հայտարարությունն ԻՊ-ի հետ պատերազմում հաղթելու մասին անվանել է «ֆեյք լուր»: Գրեմը հավելել է, որ «կուլ չի գնա» Թրամփի՝ Սիրիայում, Իրաքում, Աֆղանստանում ԻՊ-ի պարտված լինելու հեքիաթներին, որտեղից նա վերադարձել է և «չի քնել երկու օր»:
Նրա խոսքերով, ԱՄՆ-ի զինվորականներն ու գեներալները տեղում վաստահ են, որ ահաբեկչական կազմակերպությունը դեռ չի պարտվել:
«Ասել, որ նրանք պարտված են, չափազանցություն է, դա կեղծ լուր է: Սա ճիշտ չէ: Նրանք լուրջ վնասներ են կրել, բայց կվերադառնան, եթե չկանգնեցնենք նրանց» – եզրափակել է Գրեմը:
