Հիվանդները դատի են տվել պլաստիկ վիրաբույժին, որը այլանդակել է նրանց դեմքերը՝ դարձնելով անճանաչելի: Տասնյակ տուժածներ պատմել են, որ մեղադրյալը համոզել է իրենց վիրահատվել արտաքինը բարետես դարձնելու և սպիներից ու պզուկներից ազատվելու համար: Սակայն, խոստացած գեղեցկության փոխարեն, հիվանդները բոլորովին այլ բան են տեսել, հաղորդել է The Sun-ը:
Բրազիլիայի արևմտյան հատվածի Գոյան քաղաքի պլաստիկ վիրաբույժի գործունեությունից տուժել է առնվազն 40 մարդ: Նրանք մեղադրել են Ուեսլի Մուրակամիին թունավոր դեղամիջոց օգտագործելու մեջ, որի ներարկումից դեմքերին ուժեղ արտահայտված այտուցներ են առաջացել: Բացի այդ, Մուրակամին անհրաժեշտ որակավորում չի ունեցել:
Որոշ հիվանդներ լուսանկարներ են տարածել, ցույց տալու համար, թե բժիշկը ինչ է արել իրենց հետ, որպեսզի դատարանը նրան ցմահ զրկի լիցենզիայից:
