Այսօր մահվան ելքով վրաերթ է տեղի ունեցել Երևանում։ Ժամը 01։25-ի սահմաններում Երևանի բնակիչ, 23-ամյա Ժորա Սուքիասյանն իր վարած Mercedes մակնիշի 050 AA 50 համարանիշի ավտոմեքենայով Բաղրամյան պողոտայի 41 հասցեի դիմաց վրաերթի է ենթարկել փողոցը չթույլատրելի հատվածով անցնող, դեռևս ինքնությունը չպարզված մոտ 40-50 տարեկան հետիոտնի։
Ինչպես տեղեկացնում է Shamshyan.com–ը, վարորդը փախուստի չի դիմել, ահազանգել է Երևանի 1-03 շտապօգնություն, սակայն օպերատիվորեն ժամանած բժիշկների խումբն արձանագրել է, որ վրաերթի ենթարկվածը մահացել է, որից հետո վարորդն ահազանգել է Երևանի ՃՈ օպերատիվ կառավարման կենտրոն։