«Ռոմա»-ի նորեկ Միշել Բաստոսը ներողություն է խնդրել հռոմեական ակումբներից մյուսի` «Լացիո»-ի երկրպագուներից` իր պաշտոնական ներկայացման ժամանակ այդ թիմի հասցեին վիրավորական շարֆ պարզելու համար:
«Ես չէի ցանկանում անհարգալից գտնվել որևէ մեկի նկատմամբ: Ամենը, ինչ տեղի ունեցավ երեկ, պարզապես թյուրիմացություն էր: Ներողություն եմ խնդրում «Լացիո»-ից ու նրա երկրպագուներից: Իմ առջև երկրպագուները գցեցին շարֆը, և միայն հետո ես տեսա, որ դրա վրա վիրավորանք է գրված եղել:
Շնորհակալ եմ բոլորին` աջակցության համար: Ես շատ հիասթափված եմ տեղի ունեցածից»,- ասել է Բաստոսը:
