Բուլղարիայում գրանցվել է ջերմաստիճանային մի քանի ռեկորդ: Ինչպես հայտնել են Բուլղարիայի հիդրոլոգիայի և օդերևութաբանության ազգային ինստիտուտից, Վելիկո Տիրնովա քաղաքում օդի ջերմաստիճանը հասել է մինչև 25,8 աստիճանի:
2007-ի նախորդ ռեկորդը կիրակի գերազանցվել է միանգամից 8 աստիճանով:
Գրեթե ամառային՝ ռեկորդային բարձր ջերմաստիճաններ են գրանցվել Ռազգրադում, Պլևենում ու Դոբրիչում, հայտնում է ITAR-TASS-ը:
Սոֆիայում ջերմաչափերը գրանցել են 10,7 աստիճան, իսկ օդի ամենացածր ջերմաստիճանը՝ Վիդինում:
Շաբաթ Ախտոպոլ քաղաքում՝ սևծովյան ափին, օդի ջերմաստիճանը հասել է մինչև 18,5 աստիճանի, ինչը երեքուկես աստիճանով ավելի է, քան ռեկորդային տաք 2004-ին:
Բուլղարիայում գրեթե ամենուր գրանցվել է այնպիսի ջերմաստիճան, որը ջերմաստիճանային սանդղակը գերազանցում է 10 աստիճանով:
