Thursday, 29 09 2022
12:32
Live. «Առաջին լրատվական» տեղեկատվական-վերլուծական կենտրոն
12:31
Համաշխարհային բանկը 11 միլիարդ դոլար Է տրամադրել Ուկրաինային
Տնտեսության ո՞ր ճյուղերն են աշխուժացել Արցախում. մանրամասնում են Արցախի ՊԵԿ-ից
Լուծում կարող է լինել հայ-ադրբեջանական սահմանին միջազգային դիտորդների տեղակայումը. Փաշինյան
Հայաստանի գոյության համար թեժ պայքարում ենք ու հետքայլի տեղ այլեւս չունենք
Թուրքիայի վրա կարող է ազդել միայն ԱՄՆ-ն․ Երևանը պետք է ջանա Անկարայի հետ հարաբերություններ հաստատել
Երևանի քաղաքապետարանն ու Ասիական զարգացման բանկը կընդլայնեն գործակցության շրջանակը
Կապիտալ ծախսերը զգալիորեն կաճեն՝ կազմելով 557 միլիարդ դրամ
Կհայտարարվի Ագարակ–Քաջարան ճանապարհահատվածի շինարարական աշխատանքների ձեռքբերման մրցույթ
Հայաստանը ՀԱՊԿ-ից դուրս է գալու, պետք է դիմանալ ցավոտ շրջադարձին
Հայաստանն ու Ադրբեջանը փոխկապակցված 4 օրակարգ են քննարկում. ԱԽ քարտուղար
Հայաստան-Ադրբեջա՞ն պատերազմ. քանի՞սը հիշեցին ԼՂ հակամարտությունը
Պատժամիջոցի փոխարեն Եվրոպան Ադրբեջանից գազ ու նավթ է գնում․ Ֆրանսիայի սենատորները խոստացան բարձրաձայնել Հայաստանի խնդիրը
Հայ-ադրբեջանական սահմանին իրադրության փոփոխություն չի արձանագրվել. ՀՀ ՊՆ
Աշխարհը բոլորիս աչքի առաջ փլուզվում է. Նիկոլ Փաշինյան
11:30
Հայաստանում հիմնվել է խխունջաբուծության առաջին ֆերման
Դդաշնակից երկրները զենք չեն մատակարարում. Ադրբեջանը խոչընդոտում է
Արցախի ԱԳ նախարարը մասնակցել է Մարտունի և Գլենդեյլ քաղաքների միջև բարեկամության հռչակագրի ստորագրման արարողությանը
Փաշինյանը մանրամասներ է ներկայացնում երեկ սահմանին տեղի ունեցածի մասին
Աթիլլա Չիչեքի և Հուսեին Յըլդըրըմի նկատմամբ Հայաստանի տարածքը լքելու արգելք սահմանված չի եղել. Արդարադատության նախարարություն
Հեղուկ գազի գինը – Սեպտեմբեր 29, 2022
10:45
Հնդկաստանը ծանր սպառազինություններ է տեղակայել Չինաստանի հետ սահմանին
Տարադրամի փոխարժեք – Սեպտեմբեր 29, 2022
10:30
Օրվա միտքը. Խաղաղությունը չի կարող պարտադրվել
10:15
ԱՄՆ պետդեպը վերահաստատել է հայ-ադրբեջանական սահմանից զորքերը հետ քաշելու անհրաժեշտությունը
Լուրերի առավոտյան թողարկում 10:00
10:01
Նավթի գներն աճել են- 28-09-22
Նոր գործընթացները 44-օրյայից ավելի լուրջ հետևանքների են հանգեցնելու
Սպասվում է առանց տեղումների եղանակ, օդի ջերմաստիճանը կնվազի
Բենզինի և մյուս վառելիքների գինը – Սեպտեմբեր 29, 2022

«Հո դու շառ չես, ախչի ջան, ուժ տուր, երեխան ծնվի, կարո՞ղ ա մնաս վրես». Շենգավիթ ԲԿ-ում նորածին է մահացել

Շաբաթ օրը՝ հոկտեմբերի 20-ին Շենգավիթ բժշկական կենտրոնում նորածին է մահացել։ Նորածնի ծնողները, հարազատները համոզված են, որ երեխայի մահը վրա է հասել ծնունդն ընդունող բժշկի մեղքով, քանի որ ծննդկանը փայլուն հղիություն է ունեցել, անգամ ուրբաթ օրը կոնսուլտացիայի ժամանակ դա փաստել է բժիշկը։ «Շաբաթ օրը՝ առավոտյան ժամը 9-ին երեխան ծնվել է։ Ժամը 10-ին մեզ արդեն ասացին, որ երեխայի վիճակը լավ չի, 10։30-ին վերակենդանացման բաժնի վարիչն է մեզ կանչել ու համոզել, որ Աստված կանչենք, որ երեխայի սիրտը չաշխատի, երեխան մահանա, քանի որ երեխայի ուղեղն էլ է վնասված և եթե ապրի էլ, թերզարգացած է լինելու։ Մենք պնդեցինք՝ երեխային տան մեզ, որ տեղափոխենք այլ հիվանդանոց, մեզ կարճ պատասխանեցին, որ երեխայի հետ հույս չփայփայենք, և արդեն 14։30-ին ինչ-որ կին է մոտենում մեզ, փաստաթղթեր է ուզում, որ երեխայի մահվան վկայական տրամադրեն»,- «Առաջին լրատվական»-ի հետ զրույցում պատմեց ծննդկանի ազգական՝ ամուսնու եղբայրը՝ Անդրանիկ Գևորգյանը՝ հավելելով. «Այս ամենը եղել է բժշկի անփութության պատճառով։ Ամբողջ հղիությունը իդեալական է եղել։ Անգամ ուրբաթ օրը կոնսուլտացիայի ժամանակ բժիշկը ասել է, որ ամեն ինչ ոչ թե լավ է, այլ իդեալական։ Բայց բժիշկների մեղքով մեր երեխան այսօր մահացել է»։

Մեր զրուցակիցը պատմեց, որ ծննդկանը ուշքի գալուց հետո իրենց պատմել է, թե ինչ անփութություն ու անուշադրություն է եղել ծնարանում։ «Մեր հարսը պատմեց, որ իրեն բացարձակ ուշադրություն չեն դարձրել։ Պահանջել է իրեն կեսարյան հատում անել, բայց բժիշկը շատ կոպիտ ձևով պատասխանել է՝ դու չես որոշում, ախչի։ Հարսս երբ զգացել է, որ երեխայի սիրտն արդեն սկսում է չաշխատել, պահանջել է ամուսնուն կանչել, բայց ծնունդ ընդունող բժիշկը կրկին կոպտել է՝ հո դու շառ չես, ախչի ջան, ուժ տուր թող երեխան ծնվի, կարո՞ղ ա մնաս վրես։ Այ այս մակարդակի խոսակցություն է եղել»,- պատվեց մահացած նորածնի հորեղբայրը։

Նրա խոսքերով՝ երեխայի ծնվելուց հետո իրենց մոտենում է ծնարանի բաժնի վարիչը և ասում է, որ երեխան սրտի հետ խնդիրներ ունի, հարազատները պահանջում են շտապօգնություն կանչել, որ երեխային տեղափոխեն այլ հիվանդանոց, բայց հնչում է պատասխան, թե Աստված կանչեք, որ սիրտը չաշխատի, քանի որ երեխայի գլխուղեղն էլ է վնասված։

«Մենք ասացինք՝ բայց դուք ասում եք սիրտն է, ասաց չէ՝ ուղեղն էլ է վնասված։ Ոչ մեկ մեր հարցերին չէր պատասխանում։ Մենք ասում էինք՝ ինչպես կարող է երեխայի սիրտն ու գլխուղեղը վնասված լինել, եթե հղիության ընթացքում ոչ մի խնդիր չի եղել, բայց ոչ ոք ոչ մի հարցի չէր պատասխանում։ Անգամ ծնունդ ընդունող բժիշկը՝ Արաքս Հակոբյանը, մեզ խաբեց ու ասաց, որ ինքը չի ընդունել ծնունդը։ Մենք պահանջեցինք, որ գնա ու կանչի ծնունդ ընդունող բժշկին, բայց նա գնաց ու այլևս չվերադարձավ։ Բաժնի վարիչն էլ, տեսնելով որ ամբողջ պատասխանատվությունը ընկնում է իր վրա, ցույց տվեց Հակոբյանին ու ասաց՝ ահա բժիշկը, ահա դուք, գնացեք ձեր բոլոր հարցերը ուղղեք իրեն»,- պատմեց Գևորգյանը՝ հավելելով, որ դրանից հետո բժիշկը փորձել է բժշկական տերմիններով պնդել, թե հնարավոր է՝ հղիության ժամանակ են խնդիրներ եղել, բայց ազգականները հղիության անկետայով փաստել են, որ ոչ մի խնդիր չի եղել։ «Սա ընդհանուր վերաբերում է այդ հիվանդանոցին։

Սա առաջին դեպքը չէ։ Իրենց հիվանդանոցում երեխա է մահանում, բաժնի վարիչը սենյակում նստած մուրաբայով թեյ էր խմում և հայտարարում, որ ինքը ոչ մի բանից խաբար չէ։ Ոչ մեկ մեր ոչ մի հարցին չի պատասխանում, ու մեկ էլ ինչ-որ մի կին է գալիս՝ առանց խալաթի ու երեխայի հորից՝ եղբորիցս ամուսնության վկայականի ու անձնագրերի պատճեն է ուզում։

Եղբայրս հարցնում է՝ ինչի համար են այդ թղթերը, այդ կինը պատասխանում է, որ երեխայի մահվան թղթերը դզենք ու երեխայի թաղումը կազմակերպենք։ Մենք սարսափահար հարցնում ենք՝ ոնց թաղումը, բայց մեզ ասում են, որ դեռ 20 տոկոսի հույս կա, որ երեխան կապրի։ Ու այդ կինը պատասխանում է, որ ինքը չգիտի, իրեն այդպես են ասել։

Բարձրանում ենք վերև, հարցնում՝ ուր է երեխան, բժիշկներից մեկը ժպիտը դեմքին ասում է՝ ինչ է, դուք չգիտեինք, որ այդ երեխան պետք է մահանա։ Սա է իրականությունը։ Ես ուզում եմ, որ բոլորը իմանան, թե ինչ որակի բժիշկներ են աշխատում Շենգավիթ բժշկական կենտրոնում»,- ասաց Գրիգորյանը։

Մահացած երեխայի հարազատները արդեն բողոք են ներկայացրել ոստիկանություն, առողջապահության նախարարություն։ Վաղը դիմելու են նաև ՀՀ գլխավոր դատախազություն։ «Երեխայի մահվան համար բոլոր մեղավորները ամենայն խստությամբ պետք է պատասխանատվության ենթարկվեն։ Նրանք բոլորը պետք է պատժվեն»,- եզրափակեց Անդրանիկ Գևորգյանը։

Ծնունդն ընդունած բժիշկ Արաքս Հակոբյանի հետ կապվել մեզ չհաջողվեց, սակայն մենք պատրաստակամ ենք հրապարակելու նաև նրա ու ԲԿ-ի տեսակետը։

Բաժիններ
Ուղիղ
Լրահոս
Որոնում