Օգտատերերին սարսափեցրել է բրիտանուհի Մերի Նեսբիթ-Լարքինգի հրապարակած լուսանկարը: Նա Facebook-ի իր էջում «հրեշավոր» պիցցայի լուսանկար է հրապարակել:
Կինը Pizza Express ռեստորանում 9 ֆունտ սթեռլինգ արժողությամբ առանց մսի՝ բուսակերների համար նախատեսված պիցցա է պատվիրել:
Սակայն լուսանկարից դատելով՝ Նեսբիթ-Լարքինգին առաջարկել են ուտել խմորի մեծ կտոր՝ տոմատի մածուկով և սոխի կտորներով:
«Նրանց մոտ բուսակերական պանիրը վերջացել էր, և նրանք մոռացել են ընկուզեղեն հավելել»,-կատակել է կինը՝ ստացած պիցցան հրեշավոր անվանելով:
Նրա հետևորդները հայտարարել են, որ երբեք այդպիսի բան չեն տեսել: Ոմանց կարծիքով՝ ռեստորանում պարզապես ծաղրել են կնոջը:
Ի վերջո պիցցերայի աշխատակիցները կնոջից ներողություն են խնդրել և հրավիրել ընկերոջ հետ իրենց մոտ՝ նոր՝ աշնանային ուտեստներն անվճար փորձելու:
