«Էսպանյոլ»-ի դեմ խաղից առաջ կայացած մամուլի ասուլիսի ժամանակ Մադրիդի «Ռեալ»-ի գլխավոր մարզիչ Կարլո Անչելոտին կարծիք է հայտնել, որ իր սանը` Քրիշտիանու Ռոնալդուն 2013 թվականին լավագույն խաղն է ցուցադրել աշխարհում:
Հիշեցնենք` «Ոսկե գնդակ»-ի համար Ռոնալդուն պայքարում է Լիոնել Մեսսիի և Ֆրանկ Ռիբերիի հետ:
«Եթե խոսենք «Ոսկե գնդակ»-ի մասին, ապա կարող եմ ասել, որ Ռոնալդուն 2013 թվականի լավագույն խաղացողն է: Քրիշտիանուն յուրօրինակ ֆուտբոլիստ է: Նա տաղանդավոր է և մեծ պրոֆեսիոնալ: Ռոնալդուն հետևողական է և աշխատասեր»,- ասել է Անչելոտին:








































