Երևանի ավագանու ընտրությունները հաստատեցին, որ հեղափոխություն է եղել և ժողովուրդը սատարել ու մասնակից է եղել հեղափոխությանը:
«Ինձ համար անսպասելի չէր, որ այս հանգրվանին էինք հասնելու… Անցյալի հետ կամուրջներն այրված են: Այս ընտրությունները նախորդ քաղաքական գործիչների պարտությունն է, նրանց հանդեպ վստահությունը զրոյացվել է»,- «Առաջին լրատվական»- ի հետ զրույցում այս մասին ասաց գրող, արձակագիր Արմեն Հայաստանցին՝ ընդգծելով, որ այսպիսի փոխակերպումը եղավ, քանի որ Փաշինյանին և իր թիմակիցներին հաջողվեց ուրախության մթնոլորտ ստեղծել, որտեղ վախի տոտալ բացակայություն է:
««Սևերը տարիներ շարունակ իրենց ձեռքով իրենց փոսը փորեցին: Ամենալկտի սուտն ասաց Սերժ Սարգսյանը, երբ խաբեց, թե սահմանադրական փոփոխություններից հետո ինքն այլևս չի ղեկավարելու երկիրը, և քաղաքական խոսքի արժեքը զրոյացվեց, իսկ մենք խոսքին արժեք տվող ժողովուրդ ենք, նրա վերջին սուտը կուլ չգնաց, նա չմարսեց այդ սուտը»,- նշեց արձակագիրը:
Նրա խոսքով՝ Փաշինյանը եկավ երկրի հակառակ կողմից… Ստեղծարար մոտեցում ցուցաբերվեց, նաև հարթակը մաքրվեց քաղաքական գործիչներից և քաղաքական տեքստից, հայտնվեցին մաքուր, ակնեղծ խոսող մարդիկ:
«Ամեն հայ թագավոր է, ամեն մեկն իրեն առաջնորդ է զգում… Ուրախության, ցնծության, երջանկության, դրական էներգիայի մթնոլորտը վարակիչ էր, այն տարածվեց… Երկրում համաժողովրդական օրգազմ է»,- ընդգծեց գրողը:
Մանրամասն՝ տեսանյութում:
