Facebook-ի տեղեկատվական անվտանգության բաժնի ղեկավար Ալեքս Սթամոսը սոցկայքի իր էջում հայտարարել է, որ օգոստոսի 17-ին լքում է պաշտոնը։
Մարտին The New York Times պարբերականը հայտարարել է, որ Սթամոսը «Facebook-ում ռուսական ակտիվության հետաքննության և բացահայտման» կողմնակիցներից է, ինչը «սարսափեցրել է» մյուս թոփ մենեջերներին։
Հուլիսի 27-ին ընկերությունը լքել է գլխավոր իրավաբանական խորհրդատու Քոլին Սթրեթչը։ Իսկ հունիսին հրաժարականի մասին է հայտարարել ներքին քաղաքականության և հաղորդակցության հարցերով տնօրեն Էլիոթ Շրագեն։
