ԱՄՆ նախագահ Դոնալդ Թրամփը բազմիցս փորձել է պատժել լրագրողներին, իր կարծիքով, անպարկեշտ հարցեր հնչեցնելու համար: Թրամփը լրագրողների նման պահվածքը անհարգալից է համարում՝ տեղեկացնում է The Washington Post-ը՝ վկայակոչելով նախագահի վարչակազմի ներկայիս և նախկին պաշտոնյաներին:
Նման պահերին սովորաբար, ըստ լրատվամիջոցի, նախագահը իր բարկությունը թափել է օգնականների վրա և հրահանգել պատասխան միջոցներ ձեռնարկել լրագրողների դեմ:
Աղբյուրի փոխանցմամբ՝ Թրամփի ավագ օգնականները դիմադրել են նման պատվերներին: Նրանք համոզել են նախագահին, որ ԶԼՄ-ների մուտքը սահմանափակելու քայլերը կարող են տհաճ հետևանքներ ունենալ և հետագայում բարդացնել Սպիտակ տան հարաբերությունները լրագրողական դաշտի հետ, որի որոշ թղթակիցների պարբերաբար ծաղրում է նախագահը «կեղծ լուրերի» և «անազնիվ վերաբերմունքի» համար:
Այնուամենայնիվ, Սպիտակ տունը միջոցներ ձեռնարկեց CNN- ի թղթակցի դեմ:
