Ազգային ժողովում շարունակում է թեժ բանավեճ ծավալվել խորհրդարանական ուժերի միջև. քննարկվում է ՀՅԴ առաջարկը՝ ընտրություններն անցկացնել բաց համամասնական ցուցակով՝ ընտրողներին հնարավորություն տալ իրենց ձայներով ընտրել, թե ովքեր են անցկացնելու ԱԺ:
ՀՅԴ-ական պատգամավոր Սպարտակ Սեյրանյանն էլ արտահայտեց իր վրդովմունքը: Նա ասաց, որ իրենց առաջարկած քվեաթերթիկը երկու կողմանի է, մի կողմում կուսակցությանն ես ձայն տալիս, մյուս կողմում այդ կուսակցության ցուցակում ընգրկված անձանցից մեկին:
«Ինչո՞ւ ենք մենք մտածում, որ Եվրոպայում ընտրողը գրաճանաչ է, մեզ մոտ էլ գրաճանաչ չէ, հաշվել չգիտի, ցուցակում անուն գտնել չի կարող, չի կարող գտնել իր ուզած թեկնածուի անունը: Ինչ բարդ բան կա: Մարդը որոշել է ընտրել «Ծառուկյան» դաշինքին, ի՞նչ բարդ բան կա գտնել Նաիրա Զոհրաբյան անունը 50 կամ 100 հոգու մեջ: Էս ի՞նչ ենք խոսում»,- ասաց Սեյրանյանը:
