ԱՄՆ նախագահ Դոնալդ Թրամփը կրկին մեղադրել է զանգվածային լրատվամիջոցներին, որոնց նա «կեղծ լուրեր» ստեղծողներ է համարում։ Նրա խոսքերով՝ նման պարբերականները ցանկանում են շարունակել Ռուսաստանի հետ հակամարտությունը, չնայած այն հանգամանքին, որ դա կարող է պատերազմի բերել,– հայտարարել է ամերիկյան առաջնորդը հուլիսի 19-ին՝ իր Twitter-ում։
«Նրանք ատելությամբ են վերաբերում այն բանին, որ ինձ, հնարավոր է, հաջողվի լավ հարաբերություններ ստեղծել Պուտինի հետ։ Իսկ մենք մինչ այդ շատ ավելին ենք անում, քան որևէ այլ երկիր»,– ընդգծել է Թրամփը։
Նա նաև ասել է, որ լրատվամիջոցները իրենց նյութերը ստեղծում են առանց աղբյուրների և ապացույցների։
