ԱՄՆ Կալիֆորնիա նահանգում գտնվող Կերո Գորդո փոքրիկ քաղաքը, որն այժմ դատարկ է, վաճառվել է 1․4 մլն դոլարով։ Այս մասին հաղորդում է CNN-ը։
Կերո Գորդո բանվորական քաղաքը 1865-ին է կառուցվել՝ արծաթի հանքահորի մերձակայքում։
Արծաթի և նավթի գների անկումից հետո բնակիչները սկսեցին լքել քաղաքը։ Հետո մեծ հրդեհ է տեղի ունեցել, և քաղաքը վերջնականապես դատարկվել է մարդկանցից։ Քաղաքում 22 շինություն է պահպանվել, այդ թվում՝ հյուրանոց, թանգարան, մատուռ, բանվորների հանրակացարան և այլն։
Կերո Գորդոն վաճառքի է հանվել շուրջ մեկ ամիս առաջ։ Նախնական արժեքը 925 հազար դոլար է եղել։ Քաղաքի նոր սեփականատերը ներդրողների խումբն է, որը մտադիր է այն զբոսաշրջային վայրի վերածել։
