ԱՄՆ նախագահ Դոնալդ Թրամփը հայտարարել է, որ ՆԱՏՕ-ի գագաթնաժողովի շրջանակում բանակցությունները շատ լավ են անցել, սակայն Ռուսաստանի առաջնորդ Վլադիմիր Պուտինի հետ հանդիպումն ավելի լավ էր։ Այս մասին նա գրել է Twitter-ի իր էջում։
«Այն ընթացքում, երբ ես ՆԱՏՕ-ում շատ լավ հանդիպում անցկացրեցի՝ զգալի քանակությամբ գումար հավաքելով, ես ավելի լավ հանդիպում ունեցա Վլադիմիր Պուտինի հետ։ Ցավոք, ԶԼՄ-ները դա բոլորովին այլ կերպ լուսաբանեցին- կեղծ ԶԼՄ-ները պարզապես խելագարվեցին»,-գրել է նա։
While I had a great meeting with NATO, raising vast amounts of money, I had an even better meeting with Vladimir Putin of Russia. Sadly, it is not being reported that way – the Fake News is going Crazy!
— Donald J. Trump (@realDonaldTrump) July 17, 2018
Թրամփը հայտնել է, որ ՆԱՏՕ-ի երկրները մեծացրել են պաշտպանության ծախսերը, ինչը, նրա կարծիքով, «վատ է Ռուսաստանի համար»։
«Ես ՆԱՏՕ-ի անդամ երկրների հետ հոյակապ հանդիպում ունեցա։ Նրանք 33 մլրդ դոլար ավելի վճարեցին և ապագայում հարյուրավոր միլիարդներ ավելի կճարեն միայն իմ պատճառով։ ՆԱՏՕ-ն թույլ էր, բայց այժմ այն կրկին ուժեղ է (ինչը վատ է Ռուսաստանի համար)։ ԶԼՄ-ները հայտնում են միայն այն մասին, որ ես կոպիտ եմ եղել ՆԱՏՕ-ի առաջնորդների երկրների հետ և չեն հիշատակում փողերի մասին»,-հավելել է Թրամփը։
