«Ավագանու լուծարման պահանջարկը շատ մեծ էր: Դրա շուրջ, ըստ էության, կոնսենսուս եղավ բոլոր երեք խմբակցությունների միջև»,- լրագրողների հետ զրույցում ասաց Երևանի ավագանու «Ելք» խմբակցության ղեկավար Դավիթ Խաժակյանը:
Նրա խոսքով՝ «Ելք» դաշինքի համար նախընտրելի է հնարավորինս շուտ անցկացնել Երևանի ավագանու արտահերթ ընտրություններ և քաղաքապետի այս թնջուկը հանգուցալուծել ոչ թե ավագանու կազմից որևէ մեկին խմբակցության կողմից ընտրելով, այլ դա թողնելով քաղաքի բնակիչների դատին:
Նա նշեց, որ մինչև վերջերս Զարուհի Փոստանջյանի պահանջն էր ավագանու լուծարումը. «Տարոն Մարգարյանի հրաժարականից հետո հաջորդը ավագանու լուծարումն է և արտահերթ ընտրությունների անցկացումը»:
Դավիթ Խաժակյանը հայտնելով իր անձնական կարծիքը՝ ասաց. «Ես որպես ավագանու «Ելք» խմբակցության ղեկավար՝ կցանկանամ, որ արտահերթ ընտրություններն անցկացվեն միասնական ցուցակով, իսկ թե քննարկումներն ինչպիսի արդյունքի կհանգեցնեն՝ տեսնենք»:
Մանրամասները՝ տեսանյութում: