Իսպանական Պամպլոնում Սան-Ֆերմինի տոնի ժամանակ ցլերի հետ ավանդական վազքի ընթացքում 28 մարդ տուժել է՝ տեղեկացնում է Sky News-ը:
Հուլիսի 14-ին՝ վերջին օրը, վեց մարդ հոսպիտալացվել է, նրանցից երկուսը վնասվածքներ են ստացել կրծքավանդակի շրջանում, երեքը գանգուղեղային վնասվածք են ստացել, ևս երկուսը գոտկատեղի շրջանում են վնասվածք ստացել:
Վազքի ժամանակ ցուլը մասնակիցներից մեկի վզին կապված թաշկինակից եղջյուրով բռնելով բարձրացրել և մի քանի տասնյակ մետր քարշ է տվել:
850 մետր երկարությամբ վազքը տևել է 2 րոպե 12 վայրկյան:
