Ամերիկյան հնագիտական դպրոցի գիտնականները վերականգնում են Զևսի տաճարը հին հունական Նեմեա քաղաքի ավերակների վրա՝ Պելոպոնես թերակղզում:
Այս մասին ITAR-TASS-ի հետ զրույցում պատմել է Նեմեայում պեղումների ղեկավար, Կալիֆոռնիայի համալսարանի անտիկ բաժնի պրոֆեսոր Սթիվեն Միլլերը:
«Մենք ավարտել ենq Զևսի տաճարի վերականգնման հերթական փուլը, որը կառուցված է եղել Ք.ծ.ա. մոտավորապես 330 թվականին: Հին տաճարում եղել է 32 սյունաշար, մինչ մեր օրերը պահպանվել է 3 սյուն, իսկ մյուսները քանված էին ու գտնվում էին մոտակայքում՝ հողով ծածկված»,- ասել է պրաֆեսորը:
Միլլերի խոսքով՝ արդեն կատարվել է հետազոտություն ևս 5 սյուն տեղադրելու համար, սակայն տաճարի հետագա վերականգնումը կասեցվել է տնտեսական պատճառներով:
Միայն 1 անտիկ սյունի վերականգնման համար անհրաժեշտ է 300 հազար եվրո:
Գիտնականը պատմել է, որ հեթանոսության դեմ պայքարող վաղ քրիստոնյաները ավերել են անտիկ տաճարները, սյուները շրջել պատվանդանների վրայից ու դրանցով կառուցել եկեղեցիներ:
Միլլերի ղեկավարությամբ Կալիֆոռնիայի համալսարանի հնագետները Նեմեայում պեղումներ են անցկացրել 1973-1986թթ.:
