Ֆուտբոլի աշխարհի առաջնության պատմության մեջ առաջին անգամ մունդիալի խաղը կին է մեկնաբանել՝ գերմանական ZDF հեռուստաալիքի լրագրող 54-ամյա Կլաուդիա Նոյմանը։ Աշխարհի առաջնության ժամանակ նա էր վարում Գերմանիայի հավաքականի խաղերի ռեպորտաժները։
Հայրենիքում Նոյմանի աշխատանքը հակասական են գնահատել։ Գովաբանական հաղորդագրությունների հետ մեկտեղ սոցկայքերում դժգոհել են տհաճ ձայնից, բազմաթիվ սխալներից, ինչպես նաև ընդգծել, որ նա հուզական չէ։ Օգտատերերը, սակայն, նշել են, որ նման կարծիքի պարագայում նշանակությունը չունի լրագրողի՝ կին լինելու փաստը։
«Կլաուդիա Նոյմանն այնքան հուզական և գրավիչ է, որքան ծերանոցի պարի խումբը։ Բայց ես հասկանում եմ։ Սեռերի հավասարություն է»,-գրել է օգտատերերից մեկը։
ZDF-ի ղեկավարությունն աջակցել է լրագրողին և խոստացել դատարան դիմել՝ վիրավորական մեկնաբանությունների համար։
