Հունաստանի բնակչության ¼-ը չի կարող իրեն թույլ տալ բուժապահովագրություն ունենալ: Ռիսկային խմբում հղի կանայք ու երեխաներ են: Այս մասին հայտնում է France-Presse գործակալությունը:
«Աշխարհի բժիշկներ» ֆրանսիական ոչ կառավարական կազմակերպության գնահատականով՝ բուժապահովագրության համար վճարել չի կարող հույների ավելի քան 27 տոկոսը: Նրանք չեն կարող վճարել սոցիալական ապահովության վճարները, այդ իսկ պատճառով զրկվում են ապահովագրությունից:
Պատվաստումների արժեքը, որոնք պետք է արվեն երեխաներին կյանքի առաջին 6 տարիներին, արժեն 1400-1800 եվրո: «Վերջին 9 ամիսներին մենք հետազոտել ենք 10.6 հազար երեխայի, որոնցից 6500-ը պատվաստման կարիք ունեն»,- ասել է կազմակերպության Հունաստանի բաժնի ղեկավար Աննա Մայիլին:
Հունաստանի կառավարությունը կրճատել է առողջապահության ծախսերը՝ կապված ԵՄ-ին պարտքի վճարման հետ: Ֆինանսավորման կրճատումն ազդել է երկրում ծնելիության մակարդակի վրա: 2008-2011 թթ. մահացած ծնված երեխաների թիվը մեծացել է 21 տոկոսով:
Գործազրկությունը, որը երկրում հասնում է 27 տոկոսի, ամենից վատ ազդել է կանանց վրա: 25-44 տարեկան 10 կանանցից 3-ը գործազուրկ է:
Հիշեցնենք՝ դեկտեմբերի 8-ին Հունաստանի խորհրդարանը քվեարկել է 2014-ի բուջեի օգտին, որում նախատեսված է տնտեսության 0.6 տոկոսի աճ և առաջնային ավելցուկի ձեռքբերում:
