Թուրքիայի նախագահ Ռեջեփ Թայիփ Էրդողանը հույս է հայտնել, որ «Իսլամական համագործակցության երկրները» կբոյկոտեն իսրայելական արտադրանքը։
Նա նաև հույս է հայտնել, որ հունիսի 24-ին կայանալիք նախագահական և խորհրդարանական ընտրություններից հետո Թուրքիան ևս նման կերպ կվարվի։
««Իսլամական համագործակցության կազմակերպության շրջանակում» մենք կազմակերպության երկրներին կոչ ենք անում բոյկոտել իսրայելական արտադրանքը։ Ես ցանկանում եմ, որ կազմակերպության անդամ երկրները արգելք դնեն Իսրայելի վրա և բացառեն իսրայելական ապրանքներ գնելը»,-ասել է Էրդողանը։
Նրա խոսքով՝ Թուրքիան կվերանայի Իսրայելի հետ իր հարաբերությունները հատկապես առևտրա-տնտեսական ոլորտում։
«Թուրքիան կվերանայի իր հարաբերություններն Իսրայելի հետ հատկապես առևտրա-տնտեսական ոլորտում։ Մեր երկրում ընտրություններ են նախատեսված, որից հետո այդ ուղղությամբ քայլեր կձեռնարկենք»,-ասել է նա։
