Իսրայելը կես շեկել արժեքով սահմանափակ քանակությամբ հուշադրամներ է թողարկել՝ բիբլիական թագավոր Կյուրոսի և նախագահ Թրամփի կիսադեմքերով: Այս քայլով նրանք իրենց երախտագիտությունն են հայտնել ԱՄՆ նախագահ Դոնալդ Թրամփին՝ ԱՄՆ դեսպանատունը Թել-Ավիվից Երուսաղեմ տեղափոխելու համար: Մետաղադրամները վաճառվում են 50 դոլարով, և պահանջարկը անսպասելիորեն գերազանցել է բոլոր սպասումները: Լուրը տարածել են իսրայելական պարբերականները, The New York Times, Newsweek, Reuters, Associated Press լրատվամիջոցները, շվեդական, բրիտանական և չինական մամուլը:
Մետաղադրամի պատվերներ են ստացվել Ավստրալիայից, Բելգիայից, Բրազիլիայից, Գերմանիայից, Իռլանդիայից, Չինաստանից և Լեհաստանից: Բայց ամենից շատ պատվերները ստացվել են Միացյալ Նահանգներից:
Մետաղադրամների վաճառքից գոյացած եկամուտը ուղղվելու է հասարակության կրոնական իրազեկմանը:
