Այսօր Հայաստանի խորհրդայնացման օրն է: Այդ առիթով «Ժողովուրդ»-ը զրուցել է ՀՀ ԱԺ նախկին պատգամավոր, կոմունիստ Խորեն Սարգսյանի՝ հայտնի Թռչունիչի հետ` պարզելու, թե ինչ է նա մտածում ՀՀ-ի` Մաքսային միությանն անդամակցելու և կրկին ԽՍՀՄ կարգերին վերադառնալու մտահոգությունների մասին:
«Ես շատ կուզենայի, որ ԽՍՀՄ գնանք, բայց նման բան չի կառուցվելու»,-տխուր ասել է իրեն անդավաճան կոմունիստ համարող Թռչունիչը: Հիշեցնենք, որ տարիներ առաջ նա ասում էր. «Ես պապ եմ ունեցել, որը մահացավ 96 տարեկանում, և նրա վերջին խոսքը սա էր. ինչ որ կլինի, ձեր ձեռքը ռուսի փեշից բաց մի՛ թողեք»: «Հիմա, փաստորեն, Ձեր պապի պատգամը կատարում է Սերժ Սարգսյա՞նը»,-հարցրել է լրագրողը կոմունիստին:
«Սերժ Սարգսյանը, թե ով ուզում է կատարի… հիմա մարդիկ կան, որ, ասենք, եվրոպացիների թելադրանքով կարող են փողոց դուրս գալ… հավատացե՛ք, որ ժողովրդի փրկությունը ՌԴ-ն է լինելու: Մենք կմտնենք նաև ռուբլու գոտի…»,-պատասխանել է Խորեն Թռչունիչը:
Հարցազրույցն ամբողջությամբ՝ կարդացեք «Ժողովուրդ» օրաթերթի այսօրվա համարում:
