Հայաստանի հավաքականի և Մոսկվայի «Սպարտակ»-ի հարձակվող Յուրա Մովսիսյանի ծնկի վիրահատությունը հաջող է անցել: Այդ մասին հայտնում է մոսկովյան ակումբի պաշտոնական կայքը:
Յուրան վիրահատության է ենթարկվել Լոս Անջելեսում` նոյեմբերի 27-ին: «Սպարտակ»-ի բժիշկը` Միխայել Վարդապետովը նշել է, որ 26-ամյա հարձակվողն իրեն լավ է զգում:
Հիշեցնենք, որ Ռուսաստանի Պրեմիեր Լիգայի 17-րդ տուրի` ԲԿՄԱ-ի դեմ հանդիպմանը Մովսիսյանը խաղադաշտ էր դուրս եկել, սակայն ցավազրկման օգնությամբ: Յուրան չի կարող մասնակցել մոսկովյան ակումբի` 2013 թվականի վերջին երկու խաղերին:
Հավելենք, որ «Սպարտակ»-ի կազմում անցկացրած 16 խաղերում Մովսիսյանը 12 գոլ է հեղինակել և Արտյոմ Դյուբային զուգահեռ գլխավորում է Ռուսաստանի Պրեմիեր Լիգայի ընթացիկ մրցաշրջանի լավագույն ռմբարկուների ցուցակը:
