Ամենամյա Բոժոլե Նուվո (Beaujolais Nouveau) ֆրանսիական գինու տոնակատարությունը, որը մեծ շուքով նշվում է աշխարհում, այս տարի 2010-ից հետո երկրորդ անգամ մեծ շուքով նշվում է Հայաստանում: Սակայն այսօր նշվող միջոցառման միակ առիթն այս տոնը չէ: Լրանում է «Սաբերատուր-Սևան» ճամփորդական գործակալության 25-ամյակը, «Եվրոպա» հյուրանոցի 10 և Air France/KLM և Delta Airlines ավիաընկերությունների Հայաստանում վաճառքի գլխավոր գործակալ «Իքզեքյութիվ Թրավըլ»-ի 10-ամյակը:
Ֆրանսիայի արտակարգ և լիազոր դեսպան Անրի Ռենոն, բարձր գնահատելով այս երեք ընկերությունների դերակատարարությունը հայ-ֆրանսիական բարեկամության, համագործակցության կայացման գործում, նշեց, որ վերոնշյալ երեք ընկերությունների համասեփականատեր Վարուժան Սարգսյանը 40 տարի առաջ, ստանձնելով «Սաբերատուր-Սևան» ճամփորդական գործակալության հիմնադրման գործընթացը, կարողացավ այնպես անել, որ Լևոն Բաղդասարյանը, ով այսօր այս երեք ընկերությունների նախագահ-համասեփականատերն է, միանա իրեն, համագործակցի՝ էլ ավելի խորացնելու Հայաստան-Ֆրանսիա կապերի մերձեցմանն ու խտացմանը՝ հիմք դնելով բարեկամության գործընթացին:
Դեսպանի դիտարկմամբ՝ այս ընկերությունների ղեկավարները չբավարարվեցին միայն զբոսաշրջիկներ Երևան տեղափոխելով, այլ մտածեցին լուծել նրանց կեցության հարցերը՝ հիմնադրելով «Եվրոպա» հյուրանոցը Երևանում, ինչի շնորհիվ այսօր «Եվրոպա» հյուրանոցը տոնում է իր 10-ամյա տարելիցը:
Դեսպանը նշեց, որ հյուրանոցային համալիր ստեղծելով էլ գործընթացը չավարտվեց. նրանք մտածեցին Հայաստանից Ֆրանսիա տեղափոխության հարցը լուծել՝ հիմք դնելով «Իքզեքյութիվ Թրավըլ»-ի ստեղծմանը, և արդեն տասը տարի է՝ այս ընկերությունը գործում է Հայաստանի շուկայում:
Դեսպանը ներկայացեց «Բոժոլե Նուվո»-ի պատմությունը, ինչպես նաև տոնի առանձնահատկությունը: Նա նշեց, որ այն հատուկ խաղողատեսակից է պատրաստվում, որի վազերն աճեցվում են Լիոնից ոչ հեռու սարահարթային լանջերին: Սա ամենահին խաղողագործական ավանդույթներով հարուստ վայրն է, որի արմատները հասնում են ընդհուպ մինչև միջնադար:
Լևոն Բաղդասարյանն էլ նշեց, որ այս տարեդարձերը միայն ընծաներով չի սահմանափակվում, այլ նաև տոնակատարություն է լինելու, որտեղ այցելուները հնարավորություն կունենան համտեսելու Բոժոլե Նուվո, որ շատ նման է հայկական մաճառին, սակայն շատ ավելի բարձրորակ է: Իսկ պահպանման ժամկետն էլ վեց ամիս է: Այն այսօր սպառվում է աշխարհի 120 երկրներում: Ի դեպ, այն ֆրանսիական մյուս գինիների նման բարձրորակ չէ, բայց այն ժողովրդական գինի է, և ամենամեծ սպառումը ունենում է այսօր՝ ամեն տարվա նոյեմբերի երրորդ հինգշաբթին:
Ի դեպ, Բոժոլե Նուվոն Հայաստան չի ներմուծվում: Երբ այն առաջին անգամ ներկայացվեց Հայաստանում, ի սկզբանե մշակութային նպատակ էր հետապնդում, և մինչև հիմա այն Հայաստանում ունի զուտ մշակութային բնույթ, նպատակը գինին ճանաչելի դարձնելն է Հայաստանի համար: Ի դեպ, գինին տարվա կտրվածով 120 տոննայից ավելի միայն Ճապոնիա է արտահանվում:
Այսօր 19:00-ին կլինի տոնակատարություն, որտեղ այցելուները կարող են համտեսել գինին, տոնի առթիվ հրավիրել են նա Ֆրանսիայից երգչուհի, կլինի նաև վիճակահանություն՝ ուղևորություն Ֆրանսիա կամ Միացյալ Նահանգներ:
Ի դեպ, նրանք ևս մի կարևոր նորություն հայտնեցին: 2014-ին «Էլ ֆրանս»-ը հուլիս և օգոստոս ամիսներին շաբաթվա բոլոր օրերին չվերթներ կապահովեն Հայաստան-Ֆրանսիա: Իսկ դեսպանն էլ, իր գոհունակությունը հայտնելով երեք ընկերությունների սեփականատերերին, ասաց, որ շատ ավելի լավ կլինի, որ մնացած ամիսներին նույնպես հասնել ամենօրյա թռիչքներին:
Համասեփականատեր Վարուժան Սարգսյանն էլ նշեց, որ այսօր վիզաների դյուրացման գործընթացն ամենակարևորն է, հավելեց, որ դա էլ ժամանակի ընթացքում կլինի:
