Տղամարդիկ, որոնք ավելի քան 2 տարի մնում են առանց աշխատանքի, ավելի արագ են ծերանում իրենց հասակակիցների համեմատ:
Դա հնարավոր է նկատել ԴՆԹ մոլեկուլների օգնությամբ, հայտարարում են կենսաբանները, որոնց աշխատանքը հրապարակված է PLoS One ամսագրում: Այս մասին հայտնում է RIA Novosti-ն:
«Երկար տարիներ գիտնականները փորձել են կապ գտնել տևականորեն գործազուրկ մնալու և վատ առողջության միջև: Մենք եղանք առաջինը, ում հաջողվեց ցուցադրել այդ կապը բջիջների մակարդակով: Այդ բացահայտումն առաջադրում է նոր խնդիրներ, որոնցից մեկը գործազրկությունն է երիտասարդ տարիներին և հասուն տարիքի առաջին տարիներին: Այդ պատճառով սոցիալական ծառայությունները պետք է օգնեն երիտասարդներին՝ աշխատանք գտնել հանուն նրանց առողջության»,- հայտարարել է Ջեսիկա Բաքսթոնը՝ Լոնդոնի կայսերական քոլեջից:
Բաքսթոնն ու նրա գործընկերները ուսումնասիրել են ֆինլանդացի կանանց ու տղամարդկանց ավելի քան 5,5 հազար ԴՆԹ օրինակներ, որոնք ծնվել են 1966թ. և լիակատար բժշկական զննություն են անցել 31 տարեկանում:
Հետաքրքիր է, որ նման երևույթ չի նկատվել գործազուրկ կանանց շրջանում, որոնք մասնակցել են հետազոտությանը:
