ԱՄՆ վարչակազմը հույս է ունեցել տապալել Իրանի վարչակարգը սոցցանցերի օգնությամբ, ինչպիսիք են Facebook-ն ու Twitter-ը՝ ասել է Իրանի հոգևոր գերագույն առաջնորդ այաթոլլա Ալի Խամենեին՝ խոսելով 2009-ի նախագահական ընտրություններից հետո սկսված ցույցերի մասին: Այս մասին հայտնում է IRINN պետական հեռուստաալիքը:
Իրանի իշխանություններն արգելել էին Facebook-ն ու Twitter-ը 2009-ի ամռանը՝ ընտրություններին Մահմուդ Ահմադինեժադի հաղթանակի դեմ զանգվածային բողոքի ցույցերից հետո, որոնք թափ էին հավաքել սոցիալական մեդիայի շնորհիվ:
Խամենեին նշել է, որ ԱՄՆ վարչակազմը սոցցանցերից մեկի ղեկավարությանը խնդրել էր հետաձգել պրոֆիլակտիկ աշխատանքները՝ խուսափելու համար իրանցի ցուցարարների միջև կապի խափանումներից:
