Իմ այցը Երևան կախված է Ադրբեջանից: Ինչպես հաղորդում է SalamNews-ը, այս մասին հայտարարել է Թուրքիայի արտգործնախարար Ահմեդ Դավութօղլուն՝ մեկնաբանելով ավելի վաղ թուրքական ԶԼՄ-ներում տարածված հաղորդագրությունն այն մասին, որ հայկական կողմը Թուրքիայի արտգործնախարար Ահմեդ Դավութօղլուին հրավիրել է Սևծովյան տնտեսական համագործակցության խորհրդի նիստին, որը տեղի է ունենալու Երևանում, դեկտեմբերի 12-ին:
Թուրքիայի արտգործնախարարը նշել է, որ մտադիր է գալ Երևան, սակայն վերջին որոշումը կախված է Հայաստանի և Ադրբեջանի միջև բանակցություններից:
«Թուրքիան ճանաչում է Հայաստանը, սակայն մենք դիվանագիտական կապեր չունենք: Թուրքիայի նախագահ Աբդուլլահ Գյուլը այցելել է Երևան՝ ֆուտբոլային խաղին հետևելու համար: Նախարար Դավութօղլուն մերժելու պատճառ չունի: Սակայն տարածաշրջանում իրադարձությունները պետք է համապատասխանեն դրան»,- ասվում է Թուրքիայի ԱԳՆ հաղորդագրության մեջ: