Վերջին տասնյամյակում համաշխարհային տնտեսությանը բնական աղետների հասցրած վնասը ավելացել է մինչև տարեկան 200 մլրդ դոլար և, ամենայն հավանականությամբ, կավելանա կլիմայական փոփոխությունների ֆոնին: Այս մասին ասվում է Համաշխարհային բանկի զեկույցում:
Համաձայն ՄԱԿ-ի գիտնականների խմբի հաղորդագրության՝ գլոբալ տաքացումը կհանգեցնի նրան, որ ջրհեղեղները, երաշտն ու փոթորիկները այս հարյուրամյակի ընթացքում համաշխարհային տնտեսությանը ահռելի վնաս կհասցնեն:
«Բնական աղետների հասցրած վնասը մշտապես ավելանում է: Այսպես. 1980-ականներին այն կազմել է տարեկան 50 մլրդ դոլար, վերջին տասնամյակում ցուցանիշը հասել է տարեկան 200 մլրդ դոլարի, և այդ կորուստների մոտավորապես երեք քառորդը արտակարգ եղանակային պայմաններն են», հայտարարել է ՀԲ կայուն զարգացման հարցերով փոխնախագահ Ռեյչել Կայթը:
Munich Re Group ապահովագրական ընկերության գնահատականի համաձայն՝ բնական աղետը 1980-2012 թթ. 3,8 տրլն դոլարի վնաս է հասցրել:
