Ուժեղ փոթորկի հետևանքով Չիկագոյում և շրջակայքում մոտ 75 հազար մարդ մնացել է առանց էլեկտրականության: Այս մասին հայտնում է CBS Local-ը:
Հենց քաղաքում և դրա արվարձաններում առանց էլեկտրականության է մնում ավելի քան 11 հազար մարդ: Դեռևս հայտնի չէ, թե երբ կվերականգնվի էլեկտրամատակարարումը, քանի որ փոթորիկը դեռևս չի դադարել:
Չիկագոյում երկու՝ «Օ՝Հարա» և «Միդուեյ» օդանավակայաններում եղանակային վատ պայմանների պատճառով չվերթներն անորոշ ժամանակով հետաձգվել են:
Երեկ փոթորիկը և դրան ուղեկցող ուժգին տեղումները հարվածել էին Իլինոյս նահանգի՝ հիմնականում կենտրոնական և հյուսիսային հատվածներին: Նահանգի կենտրոնական հատվածում փոթորիկն ավերել է ավելի քան 50 տուն: Մոտ 15 մարդ աննշան վնասվածքներ են ստացել:
