Սիրիայի զինված ընդդիմության ավելի քան 600 գրոհայիններ վերջին 72 ժամվա ընթացքում հանձնվել են կառավարական զորքերին՝ հաղորդում է «Սուրիա Ալ-Ան» գործակալությունը:
Ապստամբների մեծ մասը զենքերը վայր են դրել Հոմսում և Դամասկոսի արվարձաններում: Սիրիացի զինվորականները վկայում են, որ մայրաքաղաքից հարավ ընկած հակառակորդի մատակարարման ուղիները փակելու հաջող մարտավարությունը հանգեցրել է ցանկալի արդյունքի: Բացի այդ, ուղղաթիռները նետում են թռուցիկներ, որոնցում դասալիքներին առաջարկվում է օգտվել նախագահի համաներումից:
Ներկայում բանակային ստորաբաժանումները գործողություններ են սկսել Իլդա և Բաբիլա բնակավայրերի հարավային ուղղությամբ, որոնք շարունակում են մնալ ապստամբների ձեռքում:
Հաղորդվում է նաև, որ սիրիացի զինծառայողներն այսօր ազատագրել են Հալեպի մոտ գտնվող Թել Հասիլ քաղաքը, որը բնակեցված է քրդերով:
