Եվրահանձնաժողովը հայտարարել է, որ լիազորություններ չունի արգելելու ԵՄ երկրների կառավարություններին՝ հարուստ արտասահմանցիներին առաջարկելու արագացված կարգով ստանալ քաղաքացիություն՝ հաղորդում է BBC-ն:
Այս շաբաթ Մալթան արտասահմանցի ներդրողներին առաջարկել է կարճ ժամկետներում ստանալ քաղաքացիություն: Մալթայի քաղաքացիություն ստանալու համար անհրաժեշտ է տնտեսության մեջ ներդնել շուրջ 650 հազար եվրո:
Համանման առաջարկով հանդես են եկել Իսպանիան, Հունգարիան, ևս մի քանի եվրոպական երկրներ: Փորձագետների տվյալներով՝ եվրոպական անձնագրեր ստանալու գլխավոր հավակնորդները հարուստ չինացիներն են:
