Բնակչության 100 հազար հոգու հաշվով բանտարկյալների թվի բացարձակ առաջատար են Սեյշելները (799)։ Ընդհանուր առմամբ պետությունում բնակվում է 92 հազար մարդ, որից 735-ը գտնվում են ճաղերի հետևում։
Աշխարհի մոտ 11 մլն բանտարկյալների ավելի քան կեսը գտնվում է Բրազիլիայի, Չինաստանի, Ռուսաստանի և ԱՄՆ-ի բանտերում։ dpa գործակալության հաղորդմամբ՝ այդ տվյալները պարունակվում են Բանտարկյալների պահման պայմանների մասին Կարմիր խաչի միջազգային կոմիտեի նոր հաշվետվությունում։ 2015 թվականի դրությամբ՝ բանտարկյալների ընդհանուր թվի 6.8 տոկոսը կանայք են։
Հետազոտողների տվյալներով՝ Եվրոպայի ազատազրկման վայրերում գտնվում է 1.6 մլն մարդ, Ասիայում՝ 3.9 մլն մարդ, Հյուսիսային և Հարավային Ամերիկայում՝ 3.8 մլն մարդ։
2000-2015 թվականներից բանտարկյալների թիվը միայն Եվրոպայում կրճատվել է, չնայած ողջ աշխարհում ցուցանիշը մոտ 20 տոկոսով աճել է։
Հեղինակները վերլուծել են 223 երկրների և տարածքների տվյալները, սակայն չեն ստացել տեղեկություններ Հյուսիսային Կորեայի, Սոմալիի և Էրիթրեայի ղեկավարությունից։ Բացի այդ, Չինաստանն ու մի շարք այլ պետություններ տվյալներ չեն ներկայացրել քննչական մեկուսարաներում գտնվող մարդկանց թվի մասին։ Ընդհանուր առմամբ աշխարհում նրանք սովորաբար կազմում եմ բանտարկյալներ ընդհանուր թվի մոտ ¼-ը։
Երկրորդ տեղում ԱՄՆ-ն է (698 բանտարկյալ՝ 100 հազար մարդու հաշվով)։ Հետազոտողների գնահատականներով՝ այսօր ԱՄՆ-ում հաշվվում է 2.2 մլն բանտարկյալ։ Առավել բարձր միջին ցուցանիշով երկրների թվում են նաև Թուրքմենստանը, Կուբան, Սալվադորը, Թաիլանդը, Ռուսաստանն ու Ռուանդան։ Հյուսիսային և Արևելյան Եվրոպայում 100 հազար մարդու հաշվով բանտարկյալների միջինը թիվը կազմում է 100։
